In de vreuge uurkes waore 4 leeje van Ontsjpoard opgesjtange om de Kennedymars oet te laupe. Mit z'n 4-en begooste ze same aan de 80-kilomaeter-lange mars. De kennedy-mars oet Zittard is de grotste lange aafsjtandjsmars ( 80km ) en tegeliekertied de oudste kennedymars van Nederland. Mit bienao 3000 man aan de sjtart sjoot Frans Körver de laupers weg. Marcel Bonten, Kevin Hoffmans, Freek Postma en Richard Hubens haopte det ze de marss dit jaor weer kooste oetlaupen. Veur Freek zou 't get spannender zeen, hae zoe um veur de ieëste kieër kinne oetlaupen.  Van teveure woor al bekindj det Marcel mieër mit Kevin zoe gaon laupe en Freek mieër mit Richard, want dae zeivert lekker veul (volgus Freek). Marcel en Kevin hieële ut aug lang mit elkaar oet tot veur Maasbrach. Dao leep Marcel tog net ein klein bietje heller es Kevin, waodoor ze allebei solo wiejer ginge. Freek en Richard waore elkaar al get eerder kwiet. Al veur de ieëste rusplaats heij Richard eine kleine veursjprong genomme op Freek. Marcel en Kevin leepe ongertusje geweun op hun eige tempo wiejer. Nao op 't Belgsj gelaupe te höbbe, koome de menner weer in de gemeinte Ech-Zöstere. Ein paar leeje heije zich verzameld bie d'n Hook wo ze de laupers deeje aanmoedige. Marcel koom es ieëste dao langs en ein hauf uurke later koom Kevin aug aangesjrompeld. Freek volgde weer op 3 kwarteer van Kevin en Richard bleef mer weg. Bliekbaar woor Richard urges aan de kantj geduujt, waodoor dur gevalle woor. Hiejdoor woort dur gans bleik en moos hae helaas de striet sjtake in Deetere. Marcel woor toen al binne. Hae heij eine tied van 16:32 es 55ste! Kevin volgde ein hauf uurke later mit eine tied van 17:07 es 111! En Freek leep ziene ieëste Kennedy-mars oet om 17:39 es 194ste!

ALLEDRIE EIN TOPPRESTATIE. EIN VEURBEELD VEUR DE RES!